Framtidsfullmakt, ferdig utfylt og klar til signering
Bestem sjølv kven som skal ta seg av økonomien din dersom du ein dag ikkje klarer det sjølv. Svar på nokre spørsmål, så set vi opp fullmakta med vala dine.
- Følgjer punkta i dømet frå Statsforvaltaren
- På nynorsk eller bokmål, ferdig utfylt innan éin yrkedag
- Signeringsrettleiing for deg og vitna
Ektepar og sambuarar: 790 kr for to fullmakter. Du oppgir aldri fødselsnummer til oss.
Kva er ei framtidsfullmakt?
Med ei framtidsfullmakt bestemmer du sjølv kven som skal ta seg av økonomien din og andre saker dersom du ein dag ikkje klarer det sjølv, til dømes på grunn av demens eller alvorleg sjukdom (verjemålslova § 78). Du vel også kva fullmakta skal gjelde: bankkontoar og rekningar, sal av bustad, søknader til kommunen og meir.
Fullmakta må lagast medan du framleis forstår kva ho betyr (§ 79). Har du inga fullmakt, kan Statsforvaltaren i staden oppnemne ei verje. På bokmål heiter ho «fremtidsfullmakt».
Usikker på om du treng ei? Ta testen: Treng eg framtidsfullmakt?
Slik fungerer det
Dette får du
- Ei framtidsfullmakt fylt ut med dine val, på nynorsk eller bokmål. Ho har dei same punkta som dømet frå Statsforvaltaren, men i eit klarare språk, og bruker orda til lova der ordlyden har noko å seie juridisk (verjemålslova §§ 78–83). Berre punkta du kryssar av for, kjem med.
- Ei vitnepåteikning med det verjemålslova § 82 tilrår: at du laga fullmakta av fri vilje og forstod kva ho betydde, og fødselsdatoen og adressa til vitna. Dette står ikkje fullt ut i dømet frå Statsforvaltaren. Hos oss står det med orda til lova.
- Ei signeringsrettleiing med sjekkliste for deg og vitna.
- Tomme felt for fødselsnummer, som du fyller inn for hand. Vi spør aldri om det.
Du vel sjølv om fullmakta skal vere på nynorsk eller bokmål. Signeringsrettleiinga får du på same målform. Spørsmåla du svarar på, er på bokmål.
Sjå eit heilt døme på fullmakta
Døme med oppdikta namn. Berre punkta Kari har kryssa av for, er med. Fødselsnummer, signaturar og opplysningane om vitna blir fylte inn for hand.
Framtidsfullmakt
1. Fullmaktsgivar og fullmektig
Eg som gir fullmakta (fullmaktsgivaren):
Namn: Kari Nordmann F.nr.: blir fylt inn for hand
Eg utpeikar denne personen til fullmektig:
Namn: Ola Nordmann F.nr.: blir fylt inn for hand
Dette er ei framtidsfullmakt etter verjemålslova kapittel 10. Eg gir med dette fullmektigen fullmakt til å representere meg. Fullmakta skal gjelde etter at eg har kome i ein tilstand som nemnt i verjemålslova § 78, det vil seie, med orda i lova, etter at fullmaktsgivaren «på grunn av sinnslidelse, herunder demens, eller alvorlig svekket helbred ikke lenger er i stand til å ivareta sine interesser innen de områdene som omfattes av fullmakten».
2. Reservefullmektig
Dersom fullmektigen blir forhindra, ikkje ønskjer å vere fullmektig, blir inhabil eller ikkje lenger er i stand til å ta vare på interessene mine etter denne fullmakta, kan denne personen tre inn som ny fullmektig:
Namn: Ingrid Nordmann Berg F.nr.: blir fylt inn for hand
3. Når fullmakta trer i kraft
Fullmakta trer først i kraft når eg er i ein slik tilstand som skildra i verjemålslova § 78.
Fullmektigen skal ta stilling til når fullmakta er i kraft. Fullmektigen skal då snarast mogleg underrette meg og ektefellen eller sambuaren min om at fullmakta har tredd i kraft, og om kva ho inneheld. Har eg ikkje ektefelle eller sambuar på det tidspunktet, skal andre nære slektningar underrettast.
4. Økonomiske forhold
Fullmektigen skal ta vare på dei økonomiske interessene mine på desse områda:
Disponere alle bankkontoane og bankboksane mine.
Betale utgiftene mine, og inngå avtalar om betalingstenester knytte til kontoane, til dømes eFaktura og AvtaleGiro.
Handtere gjelda mi og forsikringsavtalane mine.
Selje bustaden min når eg får fast sjukeheimsplass. Fullmektigen kan i samband med salet inngå alle nødvendige avtalar og signere dokument som gjeld salet. Nettobeløpet frå salet skal betalast inn på kontoen min, dersom ikkje noko anna står uttrykkeleg i denne fullmakta.
Ta over buet i uskifte etter ektefellen eller sambuaren min, og signere erklæring om at eg ønskjer å sitje i uskifte når ektefellen eller sambuaren min døyr.
Ta vare på interessene mine som arving i eit dødsbu, og ta dei avgjerdene som er aktuelle i samband med det.
5. Personlege forhold
Fullmektigen skal ta vare på dei personlege interessene mine på desse områda:
Søkje om dei offentlege og kommunale tenestene eg har behov for og krav på (til dømes helse og omsorg eller sjukeheim), og om nødvendig klage på vedtak eller tenester frå det offentlege.
Representere meg og ta vare på interessene mine i ei eventuell sivil sak med hovudforhandling (sivil rettssak).
Syte for at profilane mine på sosiale medium blir sletta, og rydde opp i dei digitale tilgangane mine, dersom eg ikkje lenger er i stand til å bruke dei. Har ikkje fullmektigen passordet mitt, kan fullmektigen kontakte tenesteleverandøren og be om at dei aktuelle profilane og tenestene blir sletta.
6. Plikter, utgifter og vederlag for fullmektigen
Fullmektigen skal handle i samsvar med fullmakta og fremje interessene og rettane mine. Før fullmektigen tek avgjerder, skal fullmektigen høyre meg så langt det er mogleg.
Fullmektigen kan dekkje dei nødvendige utgiftene sine av midlane mine. Fullmektigen kan, når det er rimeleg, òg rekne seg eit passande vederlag (verjemålslova § 88).
Fullmektigen skal ha opplysnings- og rekneskapsplikt overfor denne personen:
Namn: Ingrid Nordmann Berg F.nr.: blir fylt inn for hand
7. Underskrifta til fullmaktsgivaren
Denne framtidsfullmakta er laga i ____ likelydande originalar.
Fullmaktsgivar
- Signatur
- Stad og dato
8. Bekreftinga frå vitna
Vi er dei to vitna til denne framtidsfullmakta. Vi bekreftar dette:
1. Fullmaktsgivaren har godteke oss som vitne, og vi visste at dokumentet skal vere ei framtidsfullmakt.
2. I dag var vi begge til stades samtidig då fullmaktsgivaren skreiv under fullmakta eller vedkjende seg underskrifta si.
3. Fullmaktsgivaren vedkjende seg fullmakta som viljen sin for det tilfellet at fullmaktsgivaren i framtida ikkje skulle vere i stand til å ta vare på eigne interesser.
4. Vi skreiv under medan fullmaktsgivaren var til stades, og etter ønsket hans eller hennar.
5. Fullmaktsgivaren har oppretta fullmakta «av fri vilje og hadde evne til å forstå betydningen av handlingen».
6. Vi har begge fylt 18 år og har evne til å forstå kva underskrifta betyr.
7. Ingen av oss er fullmektig eller reservefullmektig etter denne fullmakta, eller ektefelle, sambuar, foreldre, barn eller barnebarn til ein fullmektig eller reservefullmektig.
8. Fødselsdatoen og adressa til kvar av oss står ved underskriftene våre.
Eventuelle andre forhold som kan ha betydning for om fullmakta er gyldig (verjemålslova § 82), til dømes korleis vi forsikra oss om at fullmaktsgivaren forstod kva fullmakta betyr, eller at vi fekk sjå ei legeerklæring. Skriv «Ingen» dersom de ikkje har noko å leggje til:
blir fylt inn for hand
blir fylt inn for hand
Vitne 1
- Signatur
- Namn med blokkbokstavar
- Fødselsdato
- Adresse
- Relasjon til fullmaktsgivaren, fullmektigen og reservefullmektigen, eventuelt yrke
- Stad og dato
Vitne 2
- Signatur
- Namn med blokkbokstavar
- Fødselsdato
- Adresse
- Relasjon til fullmaktsgivaren, fullmektigen og reservefullmektigen, eventuelt yrke
- Stad og dato
Pris
To framtidsfullmakter
For ektepar og sambuarar. Kvar av dykk får si eiga fullmakt, 190 kr mindre enn to enkeltkjøp.
790 kr
Kjøp for 790 krEingongspris, ikkje noko abonnement. Du betaler med Vipps, kort, Apple Pay eller Google Pay.
Gratis døme, eller hjelp til å fylle det ut?
Statsforvaltaren har eit gratis døme i Word, på bokmål, som du kan fylle ut sjølv. Er du van med Word og har god oversikt, er det eit godt utgangspunkt. Vi har skrive ein gjennomgang av skjemaet punkt for punkt.
Dette betaler du for hos oss:
- Klarare språk. Fullmakta har dei same punkta og vala som dømet frå Statsforvaltaren, men er skriven enklare og har nummererte avsnitt. Der ordlyden har noko å seie juridisk, står orda til lova.
- Berre dine val, utan Word-redigering. Du svarar på eitt spørsmål om gongen, og vi set opp dokumentet. Det du ikkje kryssar av for, kjem ikkje med.
- Vitnepåteikning etter § 82. Dømet frå Statsforvaltaren har ikkje felt for adressa til vitna, og vitnebekreftinga nemner ikkje fri vilje. Hos oss er det med.
- Signeringsrettleiing, på nynorsk eller bokmål. Ei sjekkliste de går gjennom ved bordet, så signeringa skjer slik § 81 krev. Fullmakta og rettleiinga får du på den målforma du vel.
Sjå eit døme på ei ferdig utfylt framtidsfullmakt, og kva ei framtidsfullmakt kostar dersom du lagar ho sjølv, hos oss eller hos advokat.
Dømet frå Statsforvaltaren Gratis Word-fil med prikka linjer og avkryssingsboksar. Du fyller ut sjølv.
Utfylt hos oss Klarare språk, berre punkta du vel, vitnepåteikning etter § 82 og signeringsrettleiing. På nynorsk eller bokmål.
Hjelper du mor eller far?
Mange barn tek initiativ til framtidsfullmakt for foreldra sine. De kan gjerne fylle ut fullmakta saman. Men ho er avgjerda deira: Det er dei som vel fullmektig og kva fullmakta skal gjelde, og vitna bekreftar at dei gjer det av fri vilje (§ 82).
Skal du sjølv vere fullmektig, kan verken du, ektefellen eller sambuaren din, barna dine eller foreldra dine vere vitne (§ 81). Les meir om vitne.
Når bør du heller bruke advokat?
Vi hjelper deg å fylle ut fullmakta, men vi er ikkje advokatar og vurderer ikkje situasjonen din. Statsforvaltaren tilrår å kontakte advokat dersom du ønskjer rettleiing om korleis fullmakta bør utformast for akkurat deg. Statsforvaltaren skriv også at døme på internett kan vere mangelfulle. Les derfor gjennom teksten før du signerer.
Kven står bak?
Fullmaktsguiden blir driven av Torstensen Digital ENK i Hommelvik, org.nr. 938 016 992. Før du får dokumentet, ser vi over at alt du har svart, er kome med, og at det er sett opp rett. Vi vurderer ikkje om vala dine passar for deg. Lurer du på noko før du kjøper, kan du sende e-post til stener123@gmail.com.
Vanlege spørsmål
Blir fullmakta gyldig?
Ho blir gyldig når du signerer slik verjemålslova § 81 krev: på papir, med to vitne som er til stades samtidig og veit at det er ei framtidsfullmakt. Er ikkje dette følgt, er ho ugyldig som framtidsfullmakt. Signeringsrettleiinga viser korleis du gjer det. Vi vurderer ikkje om innhaldet dekkjer alle behova dine.
Kvifor betale når dømet frå Statsforvaltaren er gratis?
Du betaler for hjelpa: spørsmål i rett rekkjefølgje, eit ferdig oppsett dokument med berre dine val, ei vitnepåteikning med det § 82 tilrår, og ei signeringsrettleiing. Fullmakta har dei same punkta som dømet frå Statsforvaltaren, men er skriven i eit klarare språk, og du vel nynorsk eller bokmål. Du kan også fylle ut det gratis dømet sjølv.
Treng eg advokat?
Lova krev ikkje advokat. Statsforvaltaren tilrår advokat dersom du ønskjer rettleiing om korleis fullmakta bør utformast for akkurat deg. Vi er ikkje advokatar og gir ikkje slik rettleiing.
Kan eg signere med BankID?
Nei. Ei framtidsfullmakt må signerast med penn på papir, både av deg og av vitna. Statsforvaltaren skriv at ho ikkje kan vere heildigital.
Kven kan vere vitne?
Vitna må ha fylt 18 år og forstå kva dei skriv under på. Fullmektigen kan ikkje vere vitne, og heller ikkje ektefellen, sambuaren, foreldra, barna eller barnebarna til fullmektigen (§ 81).
Må fullmakta registrerast eller sendast inn?
Nei. Det finst ikkje noko offentleg register for framtidsfullmakter, og Statsforvaltaren kan ikkje oppbevare eller førehandsgodkjenne dei. Du oppbevarer originalen trygt, gjerne i samråd med fullmektigen. Når fullmakta ein gong skal takast i bruk, kan fullmektigen be Statsforvaltaren om å stadfeste fullmakta (§ 84). Kartverket og mange bankar krev det.
Når trer fullmakta i kraft?
Først når du ikkje lenger klarer å ta vare på eigne interesser på grunn av sinnsliding, demens eller alvorleg svekt helse. Det er fullmektigen som tek stilling til når det har skjedd, og som då skal varsle deg og ektefellen eller sambuaren din (§ 83).
Kva er ulempene med framtidsfullmakt?
Den viktigaste ulempa er mindre offentleg kontroll enn ved verjemål: Ei verje står under tilsyn av Statsforvaltaren (§ 47), medan ein fullmektig handlar på tilliten du har gitt. Statsforvaltaren kan likevel krevje opplysningar og rekneskap når det trengst, og du kan sjølv bestemme at fullmektigen skal gi rekneskap til nokon du vel (§ 90). Vanlege fallgruver er ei for smal fullmakt, feil vitne (§ 81) og at bustadsal eller uskifte ikkje står uttrykkeleg. Sjå kva du bør tenkje ekstra over.
Kva skjer dersom eg ikkje har framtidsfullmakt?
Då kan dei nærmaste berre ta seg av det daglege: Legalfullmakta gir ektefelle eller sambuar, barn, barnebarn eller foreldre rett til å betale for bustad og dagleg underhald, skattar, avgifter og lån (§ 94). Trengst det meir, til dømes sal av bustaden, kan Statsforvaltaren opprette verjemål og oppnemne ei verje (§ 56). Les kva som skjer utan framtidsfullmakt.
Kan det vere fleire fullmektigar i ei framtidsfullmakt?
Ja. Ei framtidsfullmakt kan givast til éin eller fleire personar (§ 78). Skriv då om dei skal handle saman, kvar for seg eller med kvar sine oppgåver. Du kan også peike ut ein reservefullmektig som trer inn dersom fullmektigen blir hindra (§ 79).
Kan fullmektigen selje bustaden min?
Ja, dersom det står tydeleg i fullmakta at fullmektigen kan selje. Kartverket krev i tillegg at Statsforvaltaren har stadfesta at fullmakta har tredd i kraft før salet kan tinglysast (§ 84). Du treng ikkje oppgi gards- og bruksnummer. Les om stadfesting.
Kan eg endre fullmakta eller trekkje ho tilbake?
Ja, så lenge du forstår kva det betyr. Du trekkjer fullmakta tilbake ved å krevje dokumentet tilbake eller øydeleggje det (§ 89). Har de laga fleire originalar, gjeld det alle. Etterpå kan du lage ei ny.
Kva skjer med framtidsfullmakta når eg døyr?
Verjemålslova seier ikkje noko uttrykkeleg om det. Avtalelova gjeld tilsvarande (verjemålslova § 92). Etter avtalelova § 21 fell ikkje ei fullmakt bort av seg sjølv ved dødsfall, med mindre særlege grunnar tilseier det, og ho tek slutt seinast når dødsbuet blir teke under offentleg skifte. I praksis sperrar bankane kontoane når dødsfallet er registrert, og det er arvingane med skifteattest frå tingretten som kan disponere over buet (arvelova § 118). Fullmektigen kan ikkje fordele arven. Det må gjerast etter arvelova eller eit testament.
Kva skjer med opplysningane mine?
Vi spør aldri om fødselsnummer eller helse. Fødselsnummer skriv du inn for hand på utskrifta. Svara blir lagra kryptert i EU og sletta 30 dagar etter at du har fått dokumentet. Lenkja til dokumentet verkar i 7 dagar.
Kva om eg ikkje får det til, eller angrar?
Du har 14 dagars angrerett. Når du ber oss lage dokumentet med ein gong, går angreretten tapt når dokumentet er levert. Angrar du før det, får du pengane tilbake. Står du fast i spørsmåla, kan du sende oss ein e-post.
Klar til å lage fullmakta?
Svar på spørsmåla i dag, så får du fullmakta ferdig utfylt innan éin yrkedag, med signeringsrettleiing.
Sist gjennomgått November 15, 2026 mot verjemålslova kapittel 10 og rettleiinga frå Statsforvaltaren.